ხაშურის მუნიციპალიტეტი
khashuri Municipality City Hall
(368) 24 15 02
ცხელი ხაზი
იწყება წყლისა და წყალარინების სისტემის მშენებლობა
იწყება წყლისა და წყალარინების სისტემის მშენებლობა
ხაშურში მრავალფუნქციური სპორტული კომპლექსი გაიხსნა
ხაშურში მრავალფუნქციური სპორტული კომპლექსი გაიხსნა

 

ახალი ამბები

 

დუმაცხოვში, მონასტერსა და ქინძათში, გზების რეაბილიტაცია მიმდინარეობს.
31 მარ 2021
 

ხაშურის მუნიციპალიტეტის სოფლებში - დუმაცხოვში, მონასტერსა და ქინძათში გზების რეაბილიტაციის პროექტები ხორციელდება.

მიმდინარე სამუშაოები მერის მოვალეობის შემსრულებელმა ზვიად ქურდაძემ, მერის მოადგილე ზურაბ როსებაშვილმა და მუნიციპალიტეტის მერიის ეკონომიკური განვითარების სამსახურის წარმომადგენლებმა დაათვალიერეს.

დუმაცხოვში გზის მოასფალტების სამუშაოები მიმდინარე წლის ზაფხულში დასრულდება. რეაბილიტირებული გზით 200-ზე მეტი ადგილობრივი და სოფლის სტუმარი ისარგებლებს. პროექტის ღირებულება 707 ათასი ლარია. პროექტი ადგილობრივი და სახელმწიფო ბიუჯეტის თანადაფინანსებით ხორციელდება.

მიმდინარე წლის ზაფხულშია დაგეგმილი სოფელ მონასტერში ბეტონის გზის დაგების სამუშაოების დასრულებაც, რომლით სარგებლობასაც 300-ზე მეტი ადგილობრივი და დამსვენებელი შეძლებს. პროექტის განსახორციელებლად ადგილობრივი და სახელმწიფო ბიუჯეტიდან გამოყოფილი თანხა 559535 ლარია.

814 998 ლარი დაიხარჯება სოფელ ქინძათში გზის მოასფალტების პროექტის განსახორციელებლად. პროექტი ორწლიანია. მისი განხორციელების შედეგად სოფელ ქინძათში მცხოვრები 300-ზე მეტი ადამიანის გადაადგილების პირობები გაცილებით უსაფრთხო და კომფორტული გახდება. პროექტის დაფინანსების წყარო ადგილობრივი და სახელმწიფო ბიუჯეტია.

 
მიმაგრებული სურათები
 
მნახველთა რაოდენობა: 130